DÍA DAS LETRAS GALEGAS

Esta semana fixemos diferentes traballos para celebrar o DÍA DAS LETRAS GALEGAS...

Decoramos un marcapáxinas de Xosé Figueira Valverde...

e aprendemos un poema en galego sobre o arco da vella.

VISITA AO MUSEO FORTALEZA DE SAN PAIO DE NARLA.

O pasado venres realizamos a nosa primeira saída en autobús para visitar o Museo Fortaleza de San Paio de Narla en Friol.

Durante a nosa visita atopámonos con diferentes personaxes do conto da BELA DURMINTE.

Na planta baixa puidemos ver diferentes coleccións relacionadas coa agricultura e cos oficios tradicionais (cesteiros, zoqueiros...).

 

Alí tamén nos atopamos coa raíña do castelo.

Na  primeira planta puidemos ver unha cociña na que se encontraban tres elementos da construcción primitiva : a lareira, o forno e o servizo hixiénico, ademais de mobiliario típico da cociña galega, cerámica, ferros de pasar, etc. ; 

Na cociña tamén nos levamos unha gran sorpresa...a bruxa!

Nesta planta tamén puidemos ver un salón cunha gran ventá con “parladoiros” e unha cheminea renacentista ; a sala do tear; un escritorio e un dormitorio.

O primeiro e segundo piso da Torre puidemos ver diferentes coleccións de armas brancas e de fogo, unha armadura, outra de guerreiro samurai, dagas, machetes, espadas, revólveres de percusión, de tambor ou de chispa, fusís, canóns, etc.

Alí atopámonos co cabaleiro do castelo e...

a fada mala...

E para despedirnos da nosa visita ao castelo...falamos co rei que nos convidou a ir outro día a visitalo.

FELICIDADES A TODAS AS "MAMIS"!

V CARREIRA SOLIDARIA COLEXIO CERVANTES

SAÍMOS VISITAR O HORTO DO COLE!

O pasado mércores fixemos unha visita ao horto do cole para coñecer as plantas que sembraron os nosos compañeiros/as e así colocar o noso espantallo.

 

CREAMOS UN ESPANTALLO PARA O HORTO!

Falando dos coidados que deben ter as plantas do noso horto xurdiu a idea de facer un espantallo para que os paxariños non  nos coman  as plantas do horto.

CREAMOS UNHA RODA DOS ALIMENTOS.

Estamos metidos de cheo no noso proxecto de SEMENTES DE FUTURO e na aula estamos aprendendo moitas cousas sobre o horto.

Nesta ocasión fixemos unha roda dos alimentos para saber cando temos que plantalos e cando se recollen.